Dúas persoas resultaron feridas tras sufrir un descarrilamento coa súa furgoneta e envorcar na autovía A-8, ao seu paso polo municipio de Abadín.
Pouco antes das 13.00 horas, varios particulares alertaron ao 112 Galicia de que envorcara unha furgoneta nesta autovía, concretamente no punto quilométrico 548. Segundo os alertantes, había persoas atrapadas no interior do vehículo.
Desde o 112 Galicia informouse da situación aos servizos sanitarios, ao Corpo de Bombeiros de Vilalba e á Garda Civil de Tráfico. Xa no lugar, os bombeiros confirmaron que tiveron que excarcerar a un dos ocupantes da camioneta. Os dous feridos foron trasladados aos centros sanitarios de referencia.
