A colisión de dous vehículos cun cabalo na estrada LU-120, á altura da parroquia de Goá, en Cospeito, terminou con dous homes feridos leves. O suceso ocorreu ao redor das 19.40 horas deste martes, moi preto da gasolineira, cando un vehículo que circulaba de Meira a Vilalba impactou cun cabalo que acababa de irromper na calzada.
Como consecuencia, o turismo terminou saíndose da vía e a uns 100 metros do lugar do choque. Ao mesmo tempo, un segundo turismo que viaxaba en dirección contraria topaba co cadáver do animal, que xacía na calzada, e o automóbil acababa encaixándose no xardín dunha vivenda tras atravesar uns sebes.
Ambas as vítimas, de 35 e 70 anos e que viaxaban soas no momento do suceso, foron trasladadas ao Pac de Vilalba, aínda que o seu estado non revestía gravidade. Así mesmo, ata o lugar desprazouse o 061, Garda Civil de Tráfico e conservación de estradas.
