Tres persoas resultaron feridas este luns nunha colisión frontal entre un turismo e unha furgoneta no quilómetro 6,300 da LU-P-6502, na parroquia vilalbesa de Lanzós.
O suceso tivo lugar ás 17.45 horas deste luns e, como resultado do choque, foron evacuadas ao hospital dúas persoas de avanzada idade que viaxaban no turismo e o condutor da furgoneta, un mozo que tivo que ser excarcerado. Por agora, descoñécese o alcance das lesións dos tres feridos.
Estado no que quedou a furgoneta implicada no suceso. M. MANCEBO
