Un ciclista resultou ferido este luns ao sufrir un golpe cun vehículo na rotonda do barrio da Casilla, na localidade das Pontes. O sinistro produciuse minutos antes das 17.30 horas da tarde, cando o ciclista estaba a bordear a rotonda, e un vehículo que se incorporaba á vía desde a estrada de Ortigueira rozouno e fixo que caese ao chan.
Ata o lugar desprazáronse a Policía Local das Pontes e axentes de Tráfico da Garda Civil, ademais dunha ambulancia, que trasladou o ferido ao hospital Arquitecto Marcide de Ferrol, para descartar que puidese ter algún óso fracturado a consecuencia da caída.
