Un home resultou ferido este mércores ao cravarse no pescozo un pequeno arame dun cepillo dunha radial que estaba a manipular no seu posto de traballo nunha empresa do polígono industrial de Penapurreira, nas Pontes.
O accidente laboral produciuse minutos antes das dúas da tarde. Ata o lugar acudiron unha ambulancia e un helicóptero medicalizado, que finalmente trasladou o ferido a un centro hospitalario de Santiago.
Tamén foron alertados axentes da Policía Local das Pontes e voluntarios da agrupación de Protección Civil da localidade.
