Un home de 47 anos e veciño do municipio de Cospeito resultou ferido grave nun accidente de circulación tras saírse da vía co vehículo que conducía cando circulaba por unha pista da parroquia cospeitesa de Goá.
Os feitos ocorreron minutos antes das catro da tarde, no punto quilométrico 2,500 da vía municipal que vai desde a igrexa de Goá a Roás, cando o turismo se saíu da estrada pola marxe esquerda e terminou chocando contra unha tajea dunha beirarrúa.
O vehículo quedou envorcado na cuneta polo lado do condutor, o que provocou que este non puidese saír.
Desde a central de coordinación de urxencias do 112 Galicia notificouse o suceso inmediatamente a Urxencias Médicas 061, o Subsector de Tráfico da Garda Civil de Lugo e os bombeiros do parque comarcal de Vilalba, que tiveron que excarcerar ao condutor e único ocupante, que foi trasladado posteriormente ao Hula.