Unha persoa resultou ferida de carácter leve na madrugada do xoves ao venres ao saírse da vía o vehículo que conducía, que acabou envorcado no medio da estrada LU-120, que une Vilalba con Paraxes.
O sinistro rexistrouse no punto quilométrico 0,500, á altura do termo municipal de Vilalba, concretamente na parroquia de Sancovade.
Foi o propio implicado o que alertou do sucedido minutos antes das 5 da mañá á central de urxencias do 112 Galicia, que mobilizou ata o punto a axentes do Subsector de Tráfico da Garda Civil de Lugo.
Tamén se desprazou unha ambulancia do 061 que trasladou o ferido, que presentaba algunhas mazaduras, ao momento de Atención Continuada (PAC) da capital chairega.