Un accidente de tráfico na LU-P-4404 saldouse este mércores cunha persoa ferida e evacuada ao hospital Lucus Augusti de Lugo. O sinistro tivo lugar ao redor das 14.10 horas na estrada que une Riocabo e As Rodrigas, no termo municipal da Pastoriza.
A vítima, un veciño da localidade chairega, conducía un furgón que chocou de forma frontolateral cun tractor. Resultou ferido e foi trasladado ao Hula. O outro implicado no sinistro non sufriu feridas.
