Tres persoas resultaron feridas este mércores tras unha colisión frontolateral entre dous turismos rexistrada en Begonte.
O sinistro rexistrouse ao redor das 22.30 horas no quilómetro 0,100 da estrada local sen denominación que vai desde a LU-P-1611 ao lugar de Hermida, concretamente á altura da parroquia begontesa de San Fiz de Cerdeiras.
Foi un particular quen informou o accidente ao 112, engadindo que podía haber varias persoas atrapadas.
Así, os operadores do 112 avisaron a Urxencias Sanitarias de Galicia-061, á Garda Civil de Tráfico e aos Bombeiros de Vilalba, aínda que, finalmente, non foi necesaria a súa intervención, xa que as persoas que ían nos automóbiles foran sacadas do seu interior.