Unha persoa resultou ferida nunha colisión fronto-lateral rexistrada este sábado pola tarde, ao redor das 15:30 horas, no punto quilométrico 78,500 da estrada LU-P-1611, no cruzamento de Bestar, no termo municipal de Cospeito.
Foi un particular o que alertou do accidente á central de urxencias do 112 Galicia, que mobilizou ata o punto a axentes do Subsector de Tráfico da Garda Civil de Lugo e a unha ambulancia do 061, que trasladou á vítima, cuxas feridas non revestían gravidade, ao Hula.