A parroquia vilalbesa de Santaballa acolle este sábado as VIII Xornadas sobre Migracións Indianas, tamén chamada Feira Indiana, que contará cun amplo programa de actividades.
Os actos, organizados pola liga Santaballesa, arrincarán ás 12.30 horas, coa apertura das exposicións etnográficas e fotográficas. A continuación, haberá un partido de fútbol entre barrios da parroquia e unha comida popular.
O dúo D"Agarras, a charanga Santa Compaña, Entre Lusco e Fusco e Cé Orquestra Pantasma porán a música nunha cita que tamén terá uns 20 postos de venda e demostracións de artesanía, ademais de xogos populares e talleres de traballos antigos. A Deputación colabora con esta convocatoria con 2.000 euros e unha demostración de olería.