Un total de 47 vehículos chegados desde distintos puntos das provincias de Lugo e A Coruña participaron onte na sexta edición da
Así, había participantes das Pontes, Vilalba, Viveiro, Somozas, Moeche, Ferrol e A Coruña, os cales gozaron dun percorrido de case 130 quilómetros divididos en tres seccións.
Nesta edición -cada ano deséñase un trazado diferente-, os vehículos deixáronse ver polas parroquias pontesas de Ribadeume e A Faeira, ademais de por os arredores do centro urbano. Tamén pasaron pola zona de Piñeiro, no veciño municipio de Xermade.
O punto de encontro foi a Praza do Carme, onde inscritos, veciños e curiosos puideron gozar dos coches expostos antes de dar a saída desde a estación de autobuses.
Unha vez finalizada a ruta, a organización promoveu unha cea de confraternidade, na que se fixo entrega tamén dos trofeos nas distintas categorías.
Así, houbo premios para os tres primeiros clasificados de cada clase: vehículos históricos, de máis de 25 anos e coches actuais.
Tamén houbo uns recoñecementos especiais para o primeiro equipo feminino e para o equipo formado por dúas persoas das Pontes mellor clasificado.
Esta convocatoria púidose celebrar os últimos anos, xa que en 2020 fíxose antes do estado de alarma e en 2021 apostaron por organizala en outubro.