A empresa Endesa acaba de iniciar os traballos de posta a punto no segundo dos grupos dispoñibles para a produción enerxética na central térmica que a compañía ten na As PontesDevanditas tarefas serán desenvolvidas ao longo das próximas semanas tanto polo persoal propio da compañía como de operarios das empresas auxiliares, segundo detallaron fontes sindicais, que detallan está previsto que dito grupo poida entrar en funcionamento xa durante o mes de febreiro.
Actualmente, dos catro grupos co que conta este complexo tan só pode funcionar un deles, o primeiro. Tanto o tres e o catro xa foi autorizado o seu peche por parte do Ministerio de Transición Ecolóxica, mentres que o dous necesita un proceso de adaptación, ao cal se está sometendo. é o grupo un o que de cando en vez activa Endesa, tal e como aconteceu no pasado mes de decembro.
Ademais, estas mesmas fontes detallan que non está previsto que cheguen a funcionar ao mesmo tempo os grupos un e dous desta central, ao estimar que non se dispón de persoal suficiente, tanto propio como de auxiliares, para esta conxuntura. Por outra banda, o grupo un deberá de ser sometido proximamente a unha nova revisión por horas de funcionamento, agardando realizar este traballo unha vez que o grupo dous estea plenamente dispoñible.
MÁS CARBÓN
Noutra orde de asuntos, o pasado 27 de decembro atracou no porto exterior de Ferrol un buque que transportaba nas súas adegas 160.000 toneladas de carbón. Dous días máis tarde, o día 29, os transportistas iniciaron nos seus camións o traslado por estrada deste mineral en dirección central térmica.
Este barco foi o terceiro que atracou nos últimos tres meses dársena de Caneliñas, cun total acumulado de 485.000 toneladas de carbón, tras desestibar 165.000 a mediados de outubro e outras 160.000 toneladas a principios de novembro. Por outra banda, Endesa ten asinado cos seus empresas auxiliares contratos que as vinculan para seguir operando nesta planta polo menos ata finais de xuño deste ano 2023.
