Efectivos da Garda Civil detiveron na mañá deste xoves en Vilalba a tres persoas no transcurso dos rexistros realizados en tres pisos de dous inmobles contiguos da céntrica Rúa da Pravia.
A actuación das forzas de seguridade, que se prolongou durante varias horas e causou gran expectación entre os veciños, permitiu ademais incautar uns 20 gramos de hachis e aproximadamente a mesma cantidade de marihuana, ademais dunha arma curta.
A redada, puntual e non vinculada con outro operativo en marcha, tiña como obxectivo desarticular un punto de venda de droga no centro da capital chairega.
