sábado. 11.07.2020 |
El tiempo
sábado. 11.07.2020
El tiempo

Detido e ferido un transportista do carbón nun altercado coa Policía Nacional

Sucedeu ao regresar os camioneiros a cortar o tráfico no acceso ao porto interior de Ferrol

Un transportista do carbón foi detido este luns, ademais de resultar ferido, tras un incidente con efectivos da Policía Nacional pertencentes á comisaría de Ferrol-Narón. 

O incidente produciuse sobre as 16.00 horas cando os camioneiros levaban varios minutos cortando o tráfico na glorieta que dá acceso e que serve de saída ao porto interior de Ferrol, lugar que xa tomaran durante a mañá, con barricadas con pneumáticos. 

Foi entón cando os axentes lles comunicaron que tiñan que depor a súa actitude, xa que pola contra terían que utilizar a forza para desaloxalos, ao que algúns deles responderon alegando que loitaban polo seu futuro laboral, momento no produciuse un cruzamento de palabras entre un transportista e unha axente, que finalizou coa detención deste. 

O arrestado foi inmobilizado no chan e, segundo han apunto, trasladou aos policías que durante o proceso para colocarlle as esposas sufrira feridas, polo que foi levado ao servizo de urxencias do Hospital Arquitecto Marcide nun vehículo policial, para recibir atención médica.

Os transportistas do carbón xa advertiron hai uns días que endurecerían as medidas de protestas

ATROPELO SEN DANOS. Por outra banda, mentres se producían estes incidentes, outro camioneiro resultou arroiado por un condutor que logrou saltarse a retención, pero non resultou ferido. 

Tras esta detención, todos os transportistas desprazáronse ao Hospital Arquitecto Marcide e que en caso de ser levado a comisaria, aseguraron, en declaracións a Europa Press, que acudirán ao exterior para mostrarlle o seu apoio. 

Os transportistas do carbón xa advertiron hai uns días que endurecerían as medidas de protestas tras levar case tres meses encerrados nos concellos de Ferrol e As Pontes de García Rodríguez, logo da paralización na central térmica de Endesa nesta última localidade, xa que eles son os encargados de transportar o derivado fósil que chega en barco ao porto exterior de Ferrol ata as instalacións enerxéticas, situadas a uns 40 quilómetros de distancia. 

Detido e ferido un transportista do carbón nun altercado coa...
comentarios