Axentes da Garda Civil detiveron na capital chairega a unha veciña de Lugo como presunta autora dun delito continuado de furto.
A muller, de 36 anos de idade, foi detida por subtraer supostamente dous teléfonos móbiles do interior de varias tendas de campaña.
Fíxoo, segundo explican desde o Instituto Armado nun comunicado, aproveitándose da ausencia no lugar dos feitos dos lexítimos propietarios dos dispositivos móbiles.
O delito polo que sería detida a moza lucense produciuse nunha zona destinada á acampada e situada no veciño concello chairego de Guitiriz.
Segundo informan desde a Garda Civil, os terminais sutraídos estarían valorados polos seus propietarios nuns 900 euros.
A muller, investigada por un delito continuado de roubo, xa sería posta a disposición xudicial.
