Un descoido ao saír da A-6 puido ser a causa do accidente mortal que sufriu na madrugada do martes ao mércores A.C.P., un veciño de Ferrol de 60 anos de idade, que perdeu a vida no acto ao saírse da vía e envorcar o camión que conducía á altura do termo municipal de Begonte.
.Este non foi o único accidente que se rexistrou nas últimas horas nas estradas chairegas. A uns metros de distancia, e minutos antes das 11.00 horas, houbo unha colisión por alcance no polígono industrial
Ao parecer, o home, que transportaba palés con bebidas, latas e outros produtos de alimentación e aseo que debían descargarse ao redor das oito da mañá en Ferrol, tería que haberse desviado na seguinte saída, a de Baamonde, uns cinco quilómetros despois, para coller a A-8 en dirección Oviedo e incorporarse á AG-64 na rotonda da Grandisca en Vilalba.
Por causas que se descoñecen, a vítima tomou a saída 517, cara ao polígono de Begonte, onde hai unha curva que obriga a reducir a velocidade a 50 quilómetros por hora. «Debeu de pensar que era a outra saída, na que hai unha recta e ou acceso á outra autovía podes facelo a 70 ou 80 quilómetros sen dificultade. Era por onde tinga que ir», explicaba un compañeiro da vítima no lugar do accidente, sobrecogido aínda por non poder explicar que puido pasar para que se despistase.
Precisamente, a Garda Civil ha aberto unha investigación para esclarecer as causas do sinistro, no que foi necesaria a intervención dos bombeiros do parque comarcal de Vilalba para excarcerar ao home. Os sanitarios tamén se desprazaron ata o lugar dos feitos, pero a pesar dos esforzos, só puideron certificar o falecemento do condutor e único ocupante do vehículo.
Pola mañá, ao redor das 12.00 horas, comezaron os labores de retirada do vehículo, o que obrigou a cortar a saída 517 da autovía cara ao polígono de Begonte para que puidesen operar os guindastres, un bloqueo que se prolongou durante toda a xornada, dada a complexidade dos traballos para recuperar tamén a carga que quedou esparexida preto da estrada.
OUTROS DOUS CONTRATEMPOS.. Este non foi o único accidente que se rexistrou nas últimas horas nas estradas chairegas. A uns metros de distancia, e minutos antes das 11.00 horas, houbo unha colisión por alcance no polígono industrial de Begonte, á altura dunha nave dunha empresa de construción. O sinistro saldouse con dous feridos leves.
Outras dúas persoas tiveron que ser trasladadas á PAC logo de sufrir unha saída de vía con envorco no quilómetro 30 da LU-540, no municipio de Muras.
