A Garda Civil comunicou que investiga a unha veciña do municipio lucense de Pol por un delito contra a saúde pública e outro de defraudación de fluído eléctrico logo de atopar unhas 225 plantas, supostamente de marihuana, totalmente calcinadas, cando se produciu un incendio na súa vivenda o pasado día 18.
Segundo trasladou o Instituto Armado, os feitos tiveron lugar o pasado día 18, cando no transcurso dun incendio no interior dunha vivenda, os medios desprazados ata o lugar observaron nunha habitación da planta inferior varios maceteros con restos de, supostamente, marihuana, un sistema de aspiración de aire, ventiladores, radiadores e focos de iluminación, todos eles calcinados polo lume.
Ademais, na planta superior da vivenda acharon en varias estancias unhas 225 plantas totalmente calcinadas, así como útiles diversos para o seu tratamento e almacenamento.
Así mesmo, observaron tamén que o contador eléctrico estaba manipulado, polo que solicitaron á distribuidora que realizase un informe para verificar a súa utilización fraudulenta, confirmando esta que o consumo eléctrico non pasa polo contador.
A Garda Civil informou de que a persoa investigada foi posta a disposición do Xulgado de Instrución número tres da capital lucense.
