Un incendio, que deixou totalmente calcinada a cabina dun camión, obrigou a manter cortado un dos carriis de circulación da autovía do Cantábrico (A-8) durante a mañá deste mércores, concretamente á altura de Castromaior, no municipio lucense de Abadín.
Segundo informaron a Efe fontes do Subsector de Tráfico da Garda Civil e do Centro Integrado de Atención ás Emerxencias de Galicia (CIAE), o incendio comezou ás 10.24 horas da mañá, cando o camión circulaba en dirección Oviedo, á altura do quilómetro 563.
O condutor puido saír da cabina e porse a salvo, polo que non houbo que lamentar danos persoais.
O 112 mobilizou aos Bombeiros de Vilalba, que se ocuparon de sufocar o lume, e á Garda Civil de Tráfico, que se ocupou de sinalizar a zona e de garantir a circulación.
Os equipos de urxencia aínda traballan no punto.