A Audiencia Provincial de Lugo condenou a un mozo de 24 anos a tres anos de cárcere como autor dun delito de lesións por lanzarlle un vaso de cristal á cara a un home co que discutiu á saída dun pub do municipio lucense de Vilalba en xullo de 2016. A disputa orixinouse, segundo a sentenza, cando o sospeitoso realizou un comentario sobre algunha peza de vestir da vítima. Ao afectado quedaron como secuelas déficit de mobilidade na boca e cicatrices.
O tribunal tamén lle impón o abono dunha indemnización de 20.300 euros e a prohibición de comunicarse e aproximarse á vítima durante cinco anos. A Sala non acepta as atenuantes que pretendía a defensa por suposta embriaguez do acusado, xa que apunta que non quedou acreditado que concorrese ese extremo.
Tamén condenou ao home a pagar os máis de 900 euros ao Sergas de asistencia sanitaria, así como as costas do xuízo.