O Concello das Pontes dotará á parroquia de Pontoibo cun centro sociocultural, cuxas obras de instalación comezaron a principios deste mes nos terreos adquiridos polo goberno local.
O módulo é prefabricado e ten 130 metros cadrados, que se destinarán a servizos e actividades socioculturais. Ademais, poderase empregar para outros usos públicos "que propoña a asociación veciñal", explican desde o consistorio. Deste xeito, dáse resposta a unha "vella demanda dá veciñanza".
O módulo é de madeira e a súa estética é "acorde" coa da zona. No seu interior, albergará aseos públicos e un almacén que dará servizo ás actividades que se desenvolvan no novo local. Un espazo cuberto que fará de refuxio para evitar a suspensión dos actos cando a climatoloxía non acompañe.
