Un comité de crise de representantes da central térmica das Pontes, que a enerxética Endesa decidiu pechar, sumouse á acampada reivindicativa de operarios da industria auxiliar iniciada a semana pasada reclamar alternativas económicas e laborais para a zona.
Nun comunicado, o sindicato CC OO anunciou o seu respaldo á protesta por parte dunha plataforma asociativa integrada por edís, empresarios, autónomos e comerciantes.
As protestas pretenden sensibilizar sobre o feito de que lvos traballadores das empresas auxiliares quedan "sen actividade ante o peche inminente da térmica".
Os membros do comité compartirán a "acampada indefinida, día e noite", iniciada polos traballadores o pasado 5 de xullo ante o Concello coruñés das Pontes, no parque municipal.
CCOO, UXT e CIG. "levan semanas denunciando publicamente a pasividade irresponsable dos gobernos galego e central no conflito que deriva do peche da térmica", advirte o sindicato e subliña que esa situación deixa "sen alternativa de emprego directo e sen visos de futuro a máis de 200 persoas entre autónomos e subcontratas".
Segundo o sindicato, "centos de ponteses ven perigar o seu motor económico sen que se concreten as alternativas comprometidas". e lamenta que os afectados "esperan aínda unha resposta á petición de reunión" con representantes do Goberno central solicitada o 7 de xuño.
Tras "moitos anos de enriquecemento" nas Pontes, Endesa tomou unha "decisión unilateral sustentada nun criterio puramente económico sen alternativas sobre a mesa", recrimina CCOO á empresa.