O investigador chairego Manuel Carreiras Valiñas obtivo o mércores o premio Nacional de Investigación Pascual Madoz outorgado polo Ministerio de Ciencia, Innovación e Universidades. O galardón certifica as importantes achegas de Carreiras ao campo da linguaxe, en concreto, ao estudo da dislexia, os trastornos asociados á lingüística e o bilingüismo.
O chairego de Castro de Ribeiras de Lea é unha eminencia internacional polas súas investigacións sobre o funcionamento do mecanismo mediante o que se transmiten ideas e o contrario, a recepción de sons que derivan en conceptos. O seu obxectivo é descubrir porqué algunhas persoas son capaces de descifrar a linguaxe -nativa, estranxeiro ou de signos- e outras non.
"A linguaxe é situar ao bebé nunha comunidade lingüística. É innato para nós como o é para unha araña aprender a tecer. Hai nenos con problemas para facelo, pero non porque sexan bobos, senón porque existe un problema neurológico", explicou o investigador nunha entrevista ao Progreso.
O chairego de Castro de Ribeiras de Lea é unha eminencia internacional polas súas investigacións
A dislexia é un dos eixos das súas investigacións, a cal aborda como un trastorno que, en certo cociente, débese a factores xenéticos. Para combatela, busca sistemas de detección útiles na fase previa á aprendizaxe da lectura.
"A dislexia é un problema neurolóxico que moitas veces é xenético. Sabemos que produce diferenzas de activación cerebral, que hai varios tipos pero aínda non somos capaces de conseguir unha detección no parvulario. A dislexia supérase, pero hai que dedicarlle moito tempo e esforzo", afirmou o chairego.
Outro foco dos seus estudos apunta cara ao bilingüismo e a aprendizaxe de segundas linguas mediante un modelo activo, que inclúa profesorado do país de orixe do idioma en cuestión.
O impacto na linguaxe das enfermidades dexenerativas é outra das preocupacións do investigador, que traballa man a man con cirurxiáns do hospital de Donostia e enfermos de párkinson en gran medida.
"O medicamento vai permitir algún tipo de fármaco para atrasar a enfermidade e mellorar a calidade de vida da mesma forma que se atoparon terapias contra o cancro", asegurou Carreiras.
