O Concello
“Do que se trata é de regularizar o contrato da residencia de maiores”, explicou o alcalde de Castro de Rei, Francisco Balado. Neste sentido, apuntou que a xestión do centro adxudicouse no seu día cunha “especie de convenio” a Mensaxeiros da Paz e que esta entidade “cumpriu coas condicións e a cousa quedou así e continuamos con ese contrato”.
é por iso que agora o Concello busca regularizar a situación para adecuar esta adxudicación á Lei de Contratos de 2016. “é un servizo público que está adxudicado en base a unha normativa anterior e do que se trata é de actualizalo á normativa actual”, comentou Balado.
A principal condición, segundo indicou o rexedor de Castro de Rei, é que o prezo mínimo que debe abonar o adxudicatario é de 8.150 euros ao mes. “Todas as ofertas que igualen ese canon ou o superen valoraranse”, dixo.
A residencia de maiores San Xoán ofrece un total de 53 prazas, das que 34 son de residencia
O prego de cláusulas administrativas particulares e prescricións técnicas pódense consultar no perfil do contratante da Plataforma de Contratos Públicos de Galicia, podendo acceder ao mesmo desde a páxina web municipal (http://castroderei.gal)
Os interesados poderán solicitar información adicional cunha antelación mínima de seis días á finalización do prazo de presentación de proposicións. Ademais, o regulamento de réxime interno da residencia está publicado no BOP do 15 de novembro de 2017.
A data límite para iso é de 26 días naturais a contar desde o día seguinte á publicación deste anuncio no perfil do contratante, que se fixo o martes 17. Así, o prazo finaliza o 13 de abril ás 14.00 horas. As ofertas deberán presentarse no rexistro xeral do Concello.
A residencia de maiores San Xoán ofrece un total de 53 prazas, das que 34 son de residencia e 19 destínanse a persoas con discapacidade grave.
