Un camión golpeou e acabou derrubando hai algunhas semanas a cuberta do antigo lavadoiro comunal de Muras, que estaba situado na contorna da Praza de Vilalba, fronte á Avenida Unión Murense.
Ao parecer, o golpe produciuse cando o vehículo estaba a realizar manobras de aparcadoiro. O impacto provocou que a estrutura superior do lavadoiro, composta de catro alicerces de pedra e un teito de madeira, viñese abaixo por completo.
Desde o Concello de Muras confirmaron que a intención é poder restaurar este elemento histórico, que fora recuperado fai ao redor de tres décadas.
"A idea é volver levantalo non mesmo lugar, pero de momento non temos os prazos pechados, xa que aínda está aberto o procedemento de peritaxe", precisou o alcalde de Muras, Manuel Requeijo, sobre a actuación prevista.
