miércoles. 30.09.2020 |
El tiempo
miércoles. 30.09.2020
El tiempo

O gromo de Castro mantense en seis casos tras outras 145 PRC negativas

Aumenta a vixilancia en Castro. SILVIA IGREXA
Aumenta a vixilancia en Castro. SILVIA IGREXA
Os contaxiados foron recolocados noutro inmoble da localidade

O gromo de Castro continúa estancado con seis positivos, despois de que as 145 PRC realizadas este xoves a outros temporeiros desen todos negativo, segundo informou este venres o Sergas. No marco deste gromo realizáronse 315 probas deste tipo.

Pola súa banda, os seis contaxiados entre os traballadores dos invernadoiros de Pacios (Begonte) e O Arneiro (Cospeito) foron trasladados a un novo inmoble, situado no centro urbano de Castro de Ribeiras de Lea, moi preto da céntrica carballeira. Desde alí manteñen un illamento máis eficaz que o que podían levar na súa anterior vivenda, na que as dependencias son compartidas por plantas e onde si seguen confinados case medio centenar de jornaleros, ao tratarse de contactos estreitos do primeiro caso positivo —convivientes, co mesmo lugar de traballo e que viaxan no mesmo medio de transporte—.

Á vez que se incrementa o illamento en Castro, tamén o fai a vixilancia policial. Este xoves, unha patrulla da Garda Civil velaba por que ningunha persoa entrase ou saíse do edificio en corentena e controlaba os vehículos que circulaban pola localidade e o uso da máscara na zona na que residen agora os seis traballadores contaxiados.

Unha cifra que se estanca polo momento, despois de que o Sergas realizase ao longo do mércores un total de 110 probas PCR a outros temporeiros da empresa que, a pesar de non convivir co primeiro caso detectado —estes residen no concello de Guitiriz—, si traballan na mesma plantación que el, na situada en Pacios. Todas deron negativo, do mesmo xeito que as 145 PCR realizadas o xoves, segundo informou estse venres o Sergas.

Estas últimas probas realizounas un equipo do Servizo Galego de Saúde trasladado de novo a Castro de Ribeiras de Lea. O seu obxectivo era completar outro centenar de probas ao resto de traballadores da firma hortofrutícola, que actualmente viven no antigo hostal Cóndor e no Tojo, así como a unha vivenda no barrio de A Espiñeira, moi próximo a Feira do Monte (Cospeito), onde tamén conviven uns 30 xornaleiros.

Do mesmo xeito que no caso dos de Guitiriz, non son considerados contactos estreitos dos positivos, polo que ao non portar o virus non teñen a obrigación de permanecer illados. A intención dos equipos sanitarios é a de que non quede ningún empregado da empresa Surexport sen o seu preceptivo test de Covid-19.

O gromo de Castro mantense en seis casos tras outras 145 PRC...