A Bonoloto deste venres deixou un premio de 50.023,10 euros nun boleto selado na administración número 2 de Guitiriz. O titular do boleto acertou os cinco números máis o complementario.
O afortunado de Guitiriz foi un dos catro agraciados en toda España con este premio. Os outros boletos acertantes foron selados en Bilbao, Cintruénigo (Navarra) e Zaragoza.
Polo demais, esta vez non houbo ningún acertante de primeira categoría (os seis números), polo que quedou un bote de 1.300.000 euros para o próximo sorteo.
