A sección segunda da Audiencia Provincial de Lugo absolveu por falta de probas a un veciño de A Pastoriza acusado de queimar o alpendre dos seus veciños.
No incendio dese alpendre, que ocorreu durante a madrugada do 4 de xuño de 2017, ocasionáronse danos valorados nuns 23.000 euros.
Os maxistrados do tribunal explican na resolución, con data de este 20 de maio, que "as meras sospeitas" son "insuficientes para sustentar unha condena penal".
Para os maxistrados, é "evidente" que, neste caso, "concorre unha insuficiencia de proba de cargo para ditar a sentenza condenatoria que se pretende polas acusacións".
Así, a sección segunda da Audiencia Provincial de Lugo sostén que non é "suficiente" coas "sospeitas ou conxecturas" para condenar a este veciño.
