O auditorio Carmen Estévez de Vilalba acolle na tarde de hoxe sábado a cerimonia de entrega á a burelá Antía Yáñez do III Premio Agustín Fernández Paz de Narrativa Infantil e Xuvenil pola Igualdade, organizado polo Iescha, o Concello de Vilalba e Edicións Xerais.
A gala, fixada para as 20.30 horas e con entrada gratuíta, estará presentada pola xornalista Carmen Hermida e contará coa colaboración da Asociación de Xordos de Vilalba. No seu decurso intervirán a presidenta do Iescha, Marisa Barreiro; a alcaldesa de Vilalba, Elba Veleiro; o director de Xerais, Fran Alonso, e Manuel Bragado, integrante do xurado, ademais da escritora gañadora.
O acto completarase coa animación musical da banda de gaitas Mato Vizoso, Alfonso Maseda e o grupo tradicional Buxos Verdes. A nota poética correrá a cargo de Emilia Martínez Fuentes e o grupo da biblioteca do IES Santiago Basanta Silva porá en escea un texto teatral.