Fai 34 anos abría as súas portas nun local da Avenida da Habana das Pontes a herboristería Saúde, un mítico negocio que acaba de botar o peche definitivo pola xubilación da súa propietaria, Elvira Coello.
"Traballaba de xornalista e debido a un problema de saúde acabei indo a un naturista. Foi entón cando me empecei a interesar polo mundo dás plantas", relata Elvira sobre os inicios dun negocio pioneiro na localidade.
Recorda que nun primeiro momento moitos pensaban que "estabamos tolas" -a tenda abriuna xunto a unha amiga-, pero aos poucos este tipo de produtos naturais foron gañando en seguidores "e comezaron a venderse nas farmacias, nos supermercados e nas grandes superficies", unha competencia que lle obrigou a reinventarse.
"A diferenza é que nós ademais de vender tamén aconsellabamos á xente", puntualiza Elvira, quen estivo
En 2005, ao saber que a herboristería de Vilalba pechaba, decidiu abrir unha tenda alí. "A miña sobriña Sabela Coello continuará con ela", avanza, explicando ademais que ten previsto pór en marcha un servizo a domicilio "polas Pontes, pero tamén polas parroquias de Vilalba".
Savia nova para Saúde, un negocio que non se entendería sen Elvira, que inicia aos seus 70 anos unha merecida xubilación. "E non me vou aburrir", di cun sorriso.
