Unha colisión alcance entre dous vehículos e posterior saída de vía dun deles saldouse sen feridos este xoves pola mañá en Vilalba. Os feitos ocorreron ao redor das 12.15 horas, cando os dous turismos circulaban polo acceso principal ao polígono industrial Sete Pontes.
Un deles rozouno por alcance e provocou que o outro se saíse da vía. Ata o lugar trasladáronse a Policía Local e unha ambulancia da base de Cruz Vermella, que está precisamente a escasos metros, pero finalmente non tiveron que atender a ninguén.
