A Garda Civil investiga a dous veciños do municipio chairego de Abadín por roubar 800 litros de gasoil, valorados en ao redor de 1.000 euros, do interior dunhas instalacións industriais situadas no propio termo municipal de Abadín.
As persoas investigadas, un home de 51 anos de idade e outro de 53, e ambos os veciños de Abadín, foron postos a disposición xudicial e enfróntanse a un delito continuado de furto de gasoil.
Os feitos delituosos tiveron lugar entre os días 15 e 21 do mes de febreiro, unha semana na que os presuntos autores subtraeron os 800 litros de gasoil.
