O CD As Pontes suma tres importantes puntos nun encontro moi sufrido no que os locais tiveron que facer fronte a unha expulsión faltando case media hora e a dous penaltis en contra.
Os locais adiantábanse tras un tiro cruzado de David García que entraba pegado ao poste, tanto co que se chegou ao descanso. E puñan terra polo medio no reinicio co gol de Cambón. Pero tras unha amarela por simular unha falta e outra nunha disputa de balón, era expulsado Pardo. Non viñeron abaixo os locais, que lograban o terceiro ao volver Cambón a adiantarse ao defensa, logrando coala polo primeiro pau.
Pese ao resultado, tocou sufrir, tanto por xogar cun menos como por dous penaltis en contra, o primeiro por unha teórica man dentro da área, que Josiño disparou por encima do traveseiro, e o segundo, co tempo xa cumprido. O árbitro sinalou outra pena máxima por unha entrada de Berto e esta vez Bilal non fallou.
Os azuis sitúanse con 24 puntos, dous por encima do descenso, antes de visitar ao cuarto clasificado, o complicado Arousa.
Paiosaco: Rama; Bilal, Popi, Gamallo (Vermello, m.58), Edu, Fontes, Eiroa (Josiño, m.58), Samu, Jesús, César (Pablo, m.58) e Diéguez.
Goles: 1-0, m.16: David García. 2-0, m.48: Cambón. 3-0, m.69: Cambón. 3-1, m.90: Bilal (p).
Árbitro: Pablo Álvarez Calderón, asistido por Pedro Comesaña Veiga e David Sánchez Tierra. Amosou amarelas a Dani, Edu, César, Josiño e Riveiro e expulsou por doble cartón a Pardo.
