O CD As Pontes regresou na xornada deste sábado cunha derrota amarga. Tras un empate en casa o pasado domingo e conseguir o anterior un punto no Morrazo non foi capaz de sumar no Barco, a pesar de pelexalo moi duro.
Os azuis tiveron controlada a primeira parte do partido e puxéronse por diante pronto no marcador, cunha falta lateral lanzada por David García que rozou a Vales. Pero a segunda parte cambiouno todo.
Os esforzos dos xogadores de Marcos Roca non conseguiron conter ao rival. Nos minutos 85, Santiago Real marcou o empate do partido e cinco minutos despois, no 90, Ordóñez sumou outro gol ao marcador. Foi no desconto, nun córner.