Varios condutores deron o aviso nos últimos días sobre unha saída na A-6 ao seu paso por Aranga, preto de Guitiriz.
O 112 chegou a activar varias veces unha alerta no seu mapa de incidencias por este motivo, –polo menos unha vez o xoves e outra este martes– e chegáronse a desprazar efectivos de urxencias por este motivo. No entanto, non hai sinistro ao que atender.
O que motiva vos avisos é un coche abandonado ao bordo da vía, concretamente entre os quilómetros 42 e 43 sentido Madrid. O vehículo leva alí varios días e polo momento ninguén se preocupou de retiralo.
