A UD Ourense non puido conseguir o seu obxectivo de manter a categoría, tras empatar o domingo no Poboado 1-1. Os ourensáns necesitaban gañar si ou si nas Pontes, e unha derrota do Barco en Arzúa, pero os do Barco de Valdeorras acabaron empatando ‘in extremis' no campo do Viso.
Pero aínda así non conseguiron facer os seus deberes os de Fernando Currás, aos que xa se lle complicaron as cousas desde o inicio, pois tras un pase en profudidad, Óscar Martínez intérnase só por banda esquerda, pica o balón ante a saída de Atanes e acaba marcando dunha bonita vaselina (m.5).
Os visitantes foron rápido a por o empate, incluso destacar un centro chute desde banda dereita de Raúl que acabou no poste (m.10), pero a pesar dos intentos visitantes os azuis conseguiron chegar ao descanso con vantaxe no marcador.
Tras o descanso seguírono intentando os rojillos. Destacar dous remates seguidos de Alfredo e a dobre intervención de Brais (m.57). Máis clara tívoa Raúl, nunha ocasión na que quedou só ante a saída de Brais, pero se fixo unha lea co balón, e o seu remate postremeiro acábao sacando Moya de cabeza baixo paus.
A pesar de todas as aproximacións o único gol visitante chegou tras un inocente penalti de Iñaki que transforma Champi enganando a Brais (m.65). Incluso os ourensáns fóronse desinflando no tramo final e puido anotar o tanto da vitoria local Pardo.
Tras unha cabalgada na que se marcha só encara picando o balón ante a saída de Atanes que toca o xusto para que o esférico marche a córner rozando o pau. O propio xogador de Ortigueira rematou de tacón na área pequena atallando sen problemas o gardameta visitante. Asubío final con tristeza para ambos os equipos, que se despiden da categoría.
