Bela é unha brillante e guapa moza que perdeu a vista cando era nena. A Besta é un príncipe enfeitizado por non ser capaz de ver máis aló do físico. Os seus camiños crúzanse cando a Besta toma como prisioneiro ao pai de Bela pero ela decide ocupar o seu lugar e vivir no castelo co seu peculiar anfitrión. Bela e os seus amigos, os obxectos encantados do castelo, axudarán á Besta para entender que a única persoa capaz de romper o feitizo é el mesmo se consegue aceptar e entender que significa ver de verdade. Un emotivo espectáculo no que descubrimos que existe outra forma de ver o mundo.
O musical estará en Lugo o 1 de decembro no auditorio Gustavo Freire. As entradas están a venda en Ataquilla.
