A Xunta establece o Venres Santo como día para que pechen os supermercados e demais establecementos de alimentación en Galicia coa fin de que o persoal desta actividade esencial poida descansar durante esa xornada festiva.
Segundo informan a Europa Press fontes do Goberno galego, esta resolución para declarar como non hábil o 10 de marzo no sector da alimentación será publicada proximamente polo Diario Oficial de Galicia (DOG).
Esta medida tómase como forma de "agradecer" o traballo do persoal deste sector, tendo en conta que a Xunta decidise liberalizar o horario durante o tempo que dure o estado de alarma.
Precisamente, nos últimos días sindicatos chamaron á Xunta a non permitir a apertura de establecementos todos os días da Semana Santa en prol da "protección" dos traballadores e dado que o consideran "innecesario".
Pola súa banda, a secretaria de Estado de Comercio, Xiana Méndez, enviou unha carta aos conselleiros do ramo de toda España, na que recomenda manter e respectar a regulación de horarios comerciais fixada antes da entrada en vigor do estado de alarma polo covid-19.
