Concurso de tapas de Castro: Unha ducia de bos manxares

Unha ducia de manxares únicos e media ducia de días para saborealos. Os hostaleiros de Castro de Ribeiras de Lea promoven a quinta edición do seu xa tradicional concurso de tapas, una proposta gastronómica que se estreaba con récord de asistencia esta fin de semana e que terá continuidade dende o venres 13 ata domingo 15. As tapas sérvense ao prezo único de dous euros, de 20.00 a 0.00 horas.

Os clientes poden valorar as tapas e, se completan a ruta dos doce locais, entrarán no sorteo de tres premios de 700, 200 e 100 puntos. E o do público non será ao único xuízo ao que se enfronten os hostaleiros participantes, xa que tamén haberá un xurado profesional que avalíe a calidade das tapas.

Crema de noces de Navia sobre confitura de laranza ecolóxica, aderezada con sirope de chocolate e unha gallega artesá.

Hamburguesa de proco celta e pan do país con queixo de San Simón, xelatina de tomate, ensalada de xerminados de cebola e filamentos de seta.

Tosta con confitura de tomate, bacallau marinado e cebola caramelizada xunto a unha redución de Pedro Ximénez e Módena e caramelo de tomate.

Anchoa do Cantábrico frita sobre leite de patacas panadeiras e verduras ao forno, con dúas cremas de algas en dous gusto e coroado con caviar de lima.

Bola de pataca rechea de polvo, un langostino ao forno adobado, tomate cherry e salsa rosa

Solombo de tenreira en crema de queixo servido en copa

Champiñón recheo de bacon e xamón, un puré de pataca e alioli, unha filloa con grelos, gambas e xamón e un chupito de chocolate son as Delicias Mariva

Solombo sobre pataca panadeira con verdura salteada, cunha ensalada de tomate cherry recheo de queixo con canónigo e cebola frita

Brocheta de varias carnes e pataca á prancha, xunto a unha salsa de setas e noces e un postre caseiro

Unha masa exterior protexe unhas cañas de xamón york recheas de carne picada sobre un leito de verduras

Base de algas cun redondo de carne tenreira e porco

Crocante feito con pasta filo rechea de salmón e gambas, cunha tosta de pan e allo e unha cama de salsa de tomate caseira