«¡A gaita!» foi a resposta case unánime dun coro formado polas 62 voces dos alumnos e das alumnas do Ceip Virxe do Corpiño de Begonte ó remate do concerto didáctico que o gaiteiro Bruno Villamor impartiu no centro. Cal era a pregunta? É doado: «Cal foi o intrumento que máis vos gustou?»
Durante máis de media hora e cunha audiencia de curta idade, pero estremadamente atenta, este mestre e gaiteiro lugués foi dando conta dos distintos instrumentos da música tradicional galega. Primeiro, aqueles que non precisan da man dun artesán, coma as cunchas ou o latón de pimentón, e logo, todos os demais, gaita, requinta, pandeireta, tamboril, pandeiro, bombo, tarrañolas e, por suposto, a zanfona, «o máis complicado de construír».
|
Consiga AQUÍ la información completa |
