O conselleiro de Cultura, Educación e Ordenación Universitaria, Román Rodríguez e a alcaldesa de Mondoñedo, Elena Candia, asinaron no consistorio o convenio que habilita o Concello para autorizar as intervencións patrimoniais en todo o seu ámbito municipal. Deste xeito, Mondoñedo é o primeiro Concello de Galicia que acada esta habilitación patrimonial dun xeito completo, logo de que a nova lei de patirmonio cutural incorporase esta técnica descentralizadora.
O acordo, segundo subliñou o conselleiro, permite axilizar os trámites e os prazos das actuacións garantindo totalmente a seguridade xurídica dos procesos.
