Algúns veciños de Monterroso queixáronse este mércores polo estado da auga da billa na vila, que calificaban de clorada en exceso. Incluso enviaron a este xornal algunha fotografía para denunciar o aspecto que mostraba, cunha cor lixeiramente amarelada.
O rexedor do municipio, Antonio Gato Soengas, indicou que a empresa concesionaria do servizo non comunicou ningún incidente con respecto á auga, e tampouco a Consellería de Sanidade "que fai análises de xeito case diario", indicou para tranquilizar aos veciños.