Joaquín Blanco: ''Uno de los objetivos del año es luchar por hacernos con el título de Copa''

despois dun inicio titubeante con poucos efectivos na Liga provincial xuvenil, o Milagrosa que adestra Joaquín Blanco vén de reforzarse para a segunda volta. Catro novos xogadores uníronse á disciplina do equipo lucense para completar unha boa segunda volta e facer o mellor papel posible na Copa.

Como valora o traballo do seu equipo esta tempada?

No comezo fomos bastante irregulares. Era lóxico porque arrancamos con poucos xogadores no cadro e faltaban postos sen cubrir. Por exemplo, só había un central e non tiñamos medios centros.

A que se debeu a falta de efectivos?

Moitos dos rapaces que había o ano pasado, pasaron a idade xuvenil e non subiron cadetes. Porén agora somos optimistas xa que este Nadal comezaron a adestrar con nós catro xogadores.

Son de primeiro ano?

Si, tres deles xa xogaban a fútbol e outro veu de fútbol sala. Veñen ós adestramentos todos os días e están mellorando moito.

Cales son os equipos que máis lle gustaron ata o momento?

A Comercial foi superior na primeira parte da Liga, pero é un equipo que ten un once inicial bo, aínda que poucos recambios e penso que o Guitiriz é un gran e equipo.

Cales son os seus obxectivos na segunda metade do ano?

Facelo o mellor posible na Liga e loitar por facernos coa Copa.

(PÓSTER do Milagrosa xuvenil este luns na edición impresa de El Progreso)