A Guardia Civil realizará este venres, 12 de abril, unha exposición e exhibición de medios en Portomarín no marco do programa de achegamento da Benemérita aos centros escolares e do Plan Director para a Convivencia Escolar.
A Comandancia de Lugo, en colaboración con centros escolares das localidades de Guntín e Portomarín, coordina unha exposición de material do Corpo e exhibición de diferentes especialidades da Guardia Civil en Galicia, como a unidade de helicópteros, grupo de actividades subacuáticas, especialistas de montaña, escuadrón de cabalaría, ebyl, servizo cinológico agrupación de tráfico, seguridade cidadá, servizo de sanidade, S.I.R., servizo de protección da natureza e laboratorio de Policía Xudicial.
O acto celebrarase este venres día 12 na praza conde Fenosa da localidade de Portomarín. Con esta exposición orientada aos alumnos de centros escolares finaliza o itinerario de exhibicións para este curso, coa previsión de continuar o próximo ano lectivo en máis localidades desta provincia.
Os actos comezarán ás 10.30 cunha exhibición de medios e materiais da Guardia Civil relacionados coa detección, prevención e persecución de delitos.
Ás 11.30 empezará a exposición e posterior demostración a cargo dos especialistas de montaña do Instituto Armado que simulasen un rescate en alta montaña, nas zonas habilitadas para ese efecto no recinto da praza. Estas actividades daranse por concluídas ás 13.00.
