Un home resultou ferido de consideración na mañá deste martes ao ser golpeado por unha vaca cando traballaba nunha explotación gandeira en Guntín.
Atendendo á información divulgada pola central do 112, as "graves feridas sufridas" polo operario levaron a Urxencias Sanitarias de Galicia a mobilizar un helicóptero medicalizado ata a granxa, situada en Ferroi.
Foi sobre as 12.35 horas cando un particular alertou dos feitos ao 112 Galicia. A central do 112 solicitou a intervención do servizo sanitario, da Garda Civil e do GES de Monterroso, que se desprazaron á zona para apoiar a aterraxe da aeronave medicalizada.
