Imprimir

Elección antes da semana de paixón

Tito Diéguez |

El Progreso de Lugo | 11 de febrero de 2020

FAI COINCIDIR Feijóo as eleccións galegas co inicio da semana de paixón, que para uns será de maior padecemento que para outros, obviamente, porque logo do 5 de abril algúns expiarán os seus pecados mentres que outros entregaranse ao exercicio mesiánico purificados polos votos dos seus seguidores. Agardábase desde o domingo (máis ben desde antes, pero todo se acelerou antonte) que o presidente da Xunta concretara o adianto electoral de escasamente medio ano, pois en verdade para que se vai agardar a setembro se xa levamos en precampaña galega desde os últimos comicios xerais. Era tan aventurado que nin a oposición anda co pé cambiado, quizais algo o espazo rupturista, que deberá aclararse en menos de nada, pero o PSdeG e o BNG xa teñen os seus candidatos. E o PP o seu, que se concreta hoxe, porque onte na súa comparecencia institucional non podía pronunciarse. En menos de dous meses saberemos quen sufrirá a paixón.

Puede ver este artículo en la siguitente dirección /opinion/tito-dieguez/eleccion-antes-da-semana-paixon/202002111357091422652.html


© 2020 El Progreso de Lugo

Rúa Ribadeo 5, Lugo

Tlfno: 982 29 81 00

(Grupo El Progreso)