A saída de vía dun vehículo rexistrada este venres na estrada N-VI en Guitiriz provocou feridas leves ás dúas ocupantes do turismo, unha delas menor de idade. Malia a aparatosidade do accidente, no que o coche acabou batendo cunha árbore, trasladáronse polos seus propios medios a un centro médico.
O sinistro ocorreu arredor das seis da tarde á altura do quilómetro 532 da N-VI e levou a mobilizar persoal de Tráfico, de conservación de estradas e unha ambulancia asistencial do 061, aínda que non foi precisa a intervención dos sanitarios.
