Imprimir

O BNG pide explicacións pola situación da liña Ferrol-Ribadeo

Europa Press | 24 de febrero de 2020

Estado do tren Ferrol-Ribadeo nun dos últimos accidentes. EP
Estado do tren Ferrol-Ribadeo nun dos últimos accidentes. EP
Os últimos accidentes neste mes de febreiro amosan a preocupación existente e o estado desta liña 

O BNG trasladou ao Congreso dos Deputados a situación da liña de ferrocarril Ferrol-Ribadeo, sobre todo polo "perigo" que deriva das condicións nas que se atopa o tramo como mostra o accidente da noite do 19 a 20 de febreiro por mor dun desprendemento de terra. 

O deputado Néstor Rego insistiu en que estes accidentes, preto dun milleiro o pasado ano, teñen unha "relación directa" coa redución de persoal, a supresión de servizos e o abandono do mantemento das infraestruturas, como o material rodante, as estacións ou os problemas para a expedición de billetes. 

Por iso, trasladou a súa preocupación polos accidentes e problemas que se están producindo, sobre todo o último caso rexistrado no Barqueiro provocado por un desprendemento de terras no tramo de Viveiro a Ortigueira, con varias persoas feridas. 

"Pon de manifesto a situación de deterioración da liña ferroviaria e, sobre todo, a necesidade de actuacións urxentes para que este tipo de situacións non se volvan a producir", insistiu, para esixir decisións políticas "claras", con investimentos e prazos, "máis aló de anuncios baleiros de contido", e asegurar a modernización da liña "en condicións de calidade e operatividade". 

Puede ver este artículo en la siguitente dirección /articulo/a-marina/bng-pide-explicacions-pola-situacion-da-lina-ferrol-ribadeo/202002241416401425090.html


© 2020 El Progreso de Lugo

Rúa Ribadeo 5, Lugo

Tlfno: 982 29 81 00

(Grupo El Progreso)