Rescatada unha muller atrapada debaixo dunha árbore tras unha talla nun xardín en Verín

Foi evacuada en estado grave ao Complexo Hospitalario Universitario de Ourense

Axentes da Garda Civil do Destacamento de Tráfico de Verín rescataron unha muller atrapada debaixo dunha árbore despois dunha talla doméstica nun xardín. Segundo informou o instituto armado, cando axentes se atopaban o pasado día 24 de abril de servizo na estrada N-532, na localidade de Mourazos, observaron que un vehículo ocupaba parte da calzada "en circunstancias mais ben propias dunha parada de emerxencia", polo que, achegáronse á vivenda máis próxima. 

Nese momento os gardas foron abordados por un veciño que pedía auxilio porque unha muller de 62 anos estaba atrapada debaixo dunha árbore que fora tallada por un familiar no xardín da súa vivenda. 

Os axentes colaboraron no rescate e avisaron aos servizos sanitarios. Unha vez rescatada a muller, foi evacuada en estado grave ao Complexo Hospitalario Universitario de Ourense, onde quedou ingresada na Unidade de Coidados Intensivos en estado estable. 

Comentarios