Imprimir

Atípico tamén nas vacacións

Tito Diéguez |

Tito Diéguez | 01 de agosto de 2020

ENTRAMOS no mes máis vacacional do ano máis atípico cos peores datos turísticos a pesar dos esforzos institucionais dos gobernos, de todos os niveis, e ata da xefatura do Estado, que en parella organizou unha xira por España para promocionar o ocio interior. Insuficiente, despois do que aínda está pasando, por medo ou por imposibilidade. Pero aínda que o turismo represente unha parte moi significativa do PIB, que neste 2020 se reducirá ostensiblemente, o país sufre nesta volta á normalidade en case todos os sectores, por moito que o Goberno evitara despidos definitivos cos expedientes temporais socializando así as perdas. Nesta crise viuse a necesidade do Estado, imprescindible para todos, pero principalmente para os menos favorecidos, aínda que minguado durante décadas nun proceso liberalizador aplaudido cando o vento sopra a favor, se ben se demostra fanado en canto entra a galerna e todo se revira. Miren por exemplo Alcoa.
Puede ver este artículo en la siguitente dirección /opinion/tito-dieguez/atipico-tamen-nas-vacacions/202008011242031452881.html


© 2020 El Progreso de Lugo

Rúa Ribadeo 5, Lugo

Tlfno: 982 29 81 00

(Grupo El Progreso)